jab un se meri pahli mulaqat hui thi

jab un se mirī pahlī mulāqāt huī thī

us din hī qiyāmat kī shurūāt huī thī

itnā hai mujhe yaad kabhī baat huī thī

rasman hī sahī un se mulāqāt huī thī

ḳhat paḌh ke ḳhafā to huā aur us ne kyā kahā

qāsid mire baare meñ koī baat huī thī

kuchh yaad nahīñ bāzī-e-ulfat kā natīja

tum jiit ga.e the ki hameñ maat huī thī

maiñ huuñ vo rah-e-ishq meñ mazlūm musāfir

manzil ke qarīb aa ke jise raat huī thī

haañ yaad hai mujh ko tire gesū kā bikharnā

barsā thā ye bādal kabhi barsāt huī thī

mahrūm huuñ ab ḳhvāb meñ bhī us kī jhalak se

jis ruḳh kī ziyārat mujhe din-rāt huī thī

ye chāñd ye taare bhī batāte haiñ chamak kar

taqsīm tire husn kī ḳhairāt huī thī

baiThe the sar-e-bazm 'nasīr' un ke qarīñ ham

kal raat kī ye baat hai kal raat huī thī

jab un se meri pahli mulaqat hui thi

us din hi qiyamat ki shuruat hui thi

itna hai mujhe yaad kabhi baat hui thi

rasman hi sahi un se mulaqat hui thi

KHat paDh ke KHafa to hua aur us ne kya kaha

qasid mere bare mein koi baat hui thi

kuchh yaad nahin bazi-e-ulfat ka natija

tum jit gae the ki hamein mat hui thi

main hun wo rah-e-ishq mein mazlum musafir

manzil ke qarib aa ke jise raat hui thi

han yaad hai mujh ko tere gesu ka bikharna

barsa tha ye baadal kabhi barsat hui thi

mahrum hun ab KHwab mein bhi us ki jhalak se

jis ruKH ki ziyarat mujhe din-raat hui thi

ye chand ye tare bhi batate hain chamak kar

taqsim tere husn ki KHairaat hui thi

baiThe the sar-e-bazm 'nasir' un ke qarin hum

kal raat ki ye baat hai kal raat hui thi