kahani aisi kabhi suni thi zara batao to munsifana

kahānī aisī kabhī sunī thī zarā batāo to munsifāna

bas aur kuchh der dil sambhālo tamām hai ab mirā fasāna

kuchh aise be-kaif aadmī bhī nazar ab aane lage haiñ jin kā

kabhī hai yārāna mohtasib se kabhī hai saaqī se dostāna

guzar gayā ahd-e-shādmānī rahī na baaqī koī nishānī

bahār ab hai na bāġh-o-bulbul na shāḳh-e-gul aur na āshiyāna

na shauq-e-parvāz kī ḳhatā hai na jazba-e-sair-bām-e-nāqis

likhā huā thā mire muqaddar meñ ab qafas hī kā āb-o-dānā

ġham-o-ḳhushī zindagī meñ apnī kuchh aise ghul mil ke rah ga.e haiñ

jamāl mere liye hai yaksāñ fuġhāñ ho yā naġhma-o-tarāna

kahani aisi kabhi suni thi zara batao to munsifana

bas aur kuchh der dil sambhaalo tamam hai ab mera fasana

kuchh aise be-kaif aadmi bhi nazar ab aane lage hain jin ka

kabhi hai yarana mohtasib se kabhi hai saqi se dostana

guzar gaya ahd-e-shadmani rahi na baqi koi nishani

bahaar ab hai na bagh-o-bulbul na shaKH-e-gul aur na aashiyana

na shauq-e-parwaz ki KHata hai na jazba-e-sair-baam-e-naqis

likha hua tha mere muqaddar mein ab qafas hi ka aab-o-dana

gham-o-KHushi zindagi mein apni kuchh aise ghul mil ke rah gae hain

jamal mere liye hai yaksan fughan ho ya naghma-o-tarana