jal ja۔un na kis tarh se aaram yahi hai

jal jā۔ūñ na kis tarh se ārām yahī hai

maiñ 'ishq kā banda huuñ mirā kaam yahī hai

dil de chuke ab jaan ko rakkhoge kahāñ tak

is shoḳh sitam-gār kā paiġhām yahī hai

kuchh mujh ko miyāñ zillat-o-'izzat se nahīñ kaam

badnām huā tujh se mirā naam yahī hai

juuñ sham.a na kar jalne meñ gardan ko are ḳham

us dāġh-e-mohabbat kā sar-anjām yahī hai

din-rāt mah-o-sāl ghaḌī-pal nahīñ ārām

ham jī chuke jo sub.h yahī shaam yahī hai

ḳhum-ḳhāna ko de aag vahī chashm hai kaafī

ye 'ishq kā hai mai-kada yaañ jaam yahī hai

jal ja۔un na kis tarh se aaram yahi hai

main 'ishq ka banda hun mera kaam yahi hai

dil de chuke ab jaan ko rakkhoge kahan tak

is shoKH sitam-gar ka paigham yahi hai

kuchh mujh ko miyan zillat-o-'izzat se nahin kaam

badnam hua tujh se mera nam yahi hai

jun shama na kar jalne mein gardan ko are KHam

us dagh-e-mohabbat ka sar-anjam yahi hai

din-raat mah-o-sal ghaDi-pal nahin aaram

hum ji chuke jo subh yahi sham yahi hai

KHum-KHana ko de aag wahi chashm hai kafi

ye 'ishq ka hai mai-kada yan jam yahi hai