جل جاؤں نہ کس طرح سے آرام یہی ہے

جل جاؤں نہ کس طرح سے آرام یہی ہے

میں عشق کا بندہ ہوں مرا کام یہی ہے

دل دے چکے اب جان کو رکھوگے کہاں تک

اس شوخ ستمگار کا پیغام یہی ہے

کچھ مجھ کو میاں ذلت و عزت سے نہیں کام

بدنام ہوا تجھ سے مرا نام یہی ہے

جوں شمع نہ کر جلنے میں گردن کو ارے خم

اس داغ محبت کا سرانجام یہی ہے

دن رات مہ و سال گھڑی پل نہیں آرام

ہم جی چکے جو صبح یہی شام یہی ہے

خم خانہ کو دے آگ وہی چشم ہے کافی

یہ عشق کا ہے مے کدہ یاں جام یہی ہے