jalwa mujhe dikhla kar diwana bana Dala

jalva mujhe dikhlā kar dīvāna banā Daalā

hastī ko merī tū ne afsāna banā Daalā

ab dhaḌkaneñ ban kar tū is dil meñ dhaḌaktā hai

rag rag ko merī apnā kāshāna banā Daalā

nazroñ se pilā.ī vo tauhīd kī mai tū ne

vahdat kā mujhe tū ne mai-ḳhāna banā Daalā

utre na nasha jis kā tā-roz-e-abad saaqī

mastī kā mujhe aisā mastāna banā Daalā

ab rāz-e-anal-haq ke pardoñ ko uThā 'kāvish'

sar-tā-ba-qadam mujh ko jānāna banā Daalā

jalwa mujhe dikhla kar diwana bana Dala

hasti ko meri tu ne afsana bana Dala

ab dhaDkanen ban kar tu is dil mein dhaDakta hai

rag rag ko meri apna kashana bana Dala

nazron se pilai wo tauhid ki mai tu ne

wahdat ka mujhe tu ne mai-KHana bana Dala

utre na nasha jis ka ta-roz-e-abad saqi

masti ka mujhe aisa mastana bana Dala

ab raaz-e-anal-haq ke pardon ko uTha 'kawish'

sar-ta-ba-qadam mujh ko jaanana bana Dala