jaur-e-mahbub se hum mail-e-fariyaad nahin

jaur-e-mahbūb se ham mā.il-e-fariyād nahīñ

naġhma-e-aish hai ye shikva-e-be-dād nahīñ

ahad-e-paimān-o-mohabbat jo hue the ham se

mujh ko yaad sabhī aap ko go yaad nahīñ

log kahte haiñ mohabbat meñ ḳhudā miltā hai

lekin apnī hai ye hālat ki ḳhudā yaad nahīñ

āñkhoñ āñkhoñ hī meñ khul jaate haiñ lākhoñ asrār

dars-e-ulfat ke liye hājat-e-ustād nahīñ

gar sitam mujh pe na karte to sitam thā mujh par

mujh pe bedād jo kī hai to ye bedād nahīñ

kyuuñ ta.ajjub hai use dekh ke tujh ko ai dil

jalva-e-husn-e-azal hai tujhe kyā yaad nahīñ

ai 'valī' dekh kisī mast ke dāman ko na chheḌ

be-ḳhabar apnā garebāñ tujhe yaad nahīñ

jaur-e-mahbub se hum mail-e-fariyaad nahin

naghma-e-aish hai ye shikwa-e-be-dad nahin

ahad-e-paiman-o-mohabbat jo hue the hum se

mujh ko yaad sabhi aap ko go yaad nahin

log kahte hain mohabbat mein KHuda milta hai

lekin apni hai ye haalat ki KHuda yaad nahin

aankhon aankhon hi mein khul jate hain lakhon asrar

dars-e-ulfat ke liye hajat-e-ustad nahin

gar sitam mujh pe na karte to sitam tha mujh par

mujh pe bedad jo ki hai to ye bedad nahin

kyun tajjub hai use dekh ke tujh ko ai dil

jalwa-e-husn-e-azal hai tujhe kya yaad nahin

ai 'wali' dekh kisi mast ke daman ko na chheD

be-KHabar apna gareban tujhe yaad nahin