jaur karte jaiye aur muskuraate jaiye

jaur karte jā.iye aur muskurāte jā.iye

shikva-e-ulfat ko shukrāna banāte jā.iye

jī meñ aatī hai na.e fitne uThāte jā.iye

dil ke zarre ḳhāk-e-gulshan meñ milāte jā.iye

ai junūn-e-shauq-e-manzil tū hai sab se pesh-pesh

kyuuñ na mīr-e-kārvāñ tujh ko banāte jā.iye

surḳhiyāñ tarkīb pā jaa.eñ jo husn-o-ishq kī

dil ke do harfoñ ko afsāna banāte jā.iye

silsile meñ ishq ke hai ek hī sūd-o-ziyāñ

jis qadar kho jā.iye utnā hī paate jā.iye

ai 'sulaimāñ' dard se jin ke muzzakā hoñ na dil

gufta-e-'sīmāb' kuchh un ko sunāte jā.iye

jaur karte jaiye aur muskuraate jaiye

shikwa-e-ulfat ko shukrana banate jaiye

ji mein aati hai nae fitne uThate jaiye

dil ke zarre KHak-e-gulshan mein milate jaiye

ai junun-e-shauq-e-manzil tu hai sab se pesh-pesh

kyun na mir-e-karwan tujh ko banate jaiye

surKHiyan tarkib pa jaen jo husn-o-ishq ki

dil ke do harfon ko afsana banate jaiye

silsile mein ishq ke hai ek hi sud-o-ziyan

jis qadar kho jaiye utna hi pate jaiye

ai 'sulaiman' dard se jin ke muzzaka hon na dil

gufta-e-'simab' kuchh un ko sunate jaiye