jidhar dekhta hun jahan dekhta hun

jidhar dekhtā huuñ jahāñ dekhtā huuñ

ḳhudā hī kā jalva ayaañ dekhtā huuñ

na tan dekhtā huuñ na jaañ dekhtā huuñ

tujhī ko ayaañ aur nihāñ dekhtā huuñ

agar koī jaane jahāñ ġhair-e-haq hai

so maiñ us ko dhokā gumāñ dekhtā huuñ

ye jo kuchh ki paidā hai sab ain-e-haq hai

ki ik bahr-e-hastī ravāñ dekhtā huuñ

jise zāt-e-be-rañg-o-be-chūñ kaheñ ham

bahar-rañg jalva-kunāñ dekhtā huuñ

'niyāz' ab huā nā-tavānī se tū piir

vale 'ishq terā javāñ dekhtā huuñ

jidhar dekhta hun jahan dekhta hun

KHuda hi ka jalwa ayan dekhta hun

na tan dekhta hun na jaan dekhta hun

tujhi ko ayan aur nihan dekhta hun

agar koi jaane jahan ghair-e-haq hai

so main us ko dhoka guman dekhta hun

ye jo kuchh ki paida hai sab ain-e-haq hai

ki ek bahr-e-hasti rawan dekhta hun

jise zat-e-be-rang-o-be-chun kahen hum

bahar-rang jalwa-kunan dekhta hun

'niyaz' ab hua na-tawani se tu pir

wale 'ishq tera jawan dekhta hun