jigar mein dard bhi hai aur dil niDhaal bhi hai

jigar meñ dard bhī hai aur dil niDhāl bhī hai

batā.e hālat-e-dil kaun mujh meñ haal bhī hai

ye dil hai vahī jo tum le uḌe the chal kar chaal

sitam ye hai ki vahī aaj pā.emāl bhī hai

qiyāmat aa.ī to ye terī chaal dekhne ko

use ḳhabar nahīñ ye dam meñ pā.emāl bhī hai

ḳharāb ho ke banā qais dasht-e-vahshat meñ

zavāl bhī hai usī ishq meñ kamāl bhī hai

ham is meñ raazī haiñ tum āshiqoñ ko qatl karo

magar ḳhayāl rahe aadmī kā kaal bhī hai

mare hue ho butoñ par jo dil se tum 'akbar'

ḳhudā ko muñh bhī dikhānā hai kuchh ḳhayāl bhī hai

jigar mein dard bhi hai aur dil niDhaal bhi hai

batae haalat-e-dil kaun mujh mein haal bhi hai

ye dil hai wahi jo tum le uDe the chal kar chaal

sitam ye hai ki wahi aaj paemal bhi hai

qiyamat aai to ye teri chaal dekhne ko

use KHabar nahin ye dam mein paemal bhi hai

KHarab ho ke bana qais dasht-e-wahshat mein

zawal bhi hai usi ishq mein kamal bhi hai

hum is mein raazi hain tum aashiqon ko qatl karo

magar KHayal rahe aadmi ka kal bhi hai

mare hue ho butoñ par jo dil se tum 'akbar'

KHuda ko munh bhi dikhana hai kuchh KHayal bhi hai