ishq ne toDi sar pe qayamat zor-e-qayamat kya kahiye

ishq ne toḌī sar pe qayāmat zor-e-qayāmat kyā kahiye

sunñe vaalā koī nahīñ rūdād-e-mohabbat kyā kahiye

dil hai kisī kā rāz-e-haqīqat rāz-e-haqīqat kyā kahiye

hairat-e-jalva mohr-ba-lab hai jalva-e-hairat kyā kahiye

jab se us ne pher liiñ nazreñ rañg-e-tabāhī aah na pūchh

siina ḳhālī āñkheñ vīrāñ dil kī hālat kyā kahiye

ek tajallī ek tabassum ek nigāh banda-navāz

is liye ziyāda ai ġham-e-jānāñ dil kī qīmat kyā kahiye

shīsha-e-dil vo hastī-e-nāzuk Thes lagī aur TuuT gayā

us pe kisī ke tiir sitam ke mashq-e-siyāsat kyā kahiye

ishq ne toDi sar pe qayamat zor-e-qayamat kya kahiye

sunne wala koi nahin rudad-e-mohabbat kya kahiye

dil hai kisi ka raaz-e-haqiqat raaz-e-haqiqat kya kahiye

hairat-e-jalwa mohr-ba-lab hai jalwa-e-hairat kya kahiye

jab se us ne pher lin nazren rang-e-tabahi aah na puchh

sina KHali aankhen viran dil ki haalat kya kahiye

ek tajalli ek tabassum ek nigah banda-nawaz

is liye ziyaada ai gham-e-jaanan dil ki qimat kya kahiye

shisha-e-dil wo hasti-e-nazuk Thes lagi aur TuT gaya

us pe kisi ke tir sitam ke mashq-e-siyasat kya kahiye