عشق نے توڑی سر پہ قیامت زور قیامت کیا کہیے

عشق نے توڑی سر پہ قیامت زور قیامت کیا کہیے

سننے والا کوئی نہیں روداد محبت کیا کہیے

دل ہے کسی کا راز حقیقت راز حقیقت کیا کہیے

حیرت جلوہ مہر بہ لب ہے جلوۂ حیرت کیا کہیے

جب سے اس نے پھیر لیں نظریں رنگ تباہی آہ نہ پوچھ

سینہ خالی آنکھیں ویراں دل کی حالت کیا کہیے

ایک تجلی ایک تبسم ایک نگاہ بندہ نواز

اس لئے زیادہ اے غم جاناں دل کی قیمت کیا کہیے

شیشۂ دل وہ ہستیٔ نازک ٹھیس لگی اور ٹوٹ گیا

اس پہ کسی کے تیر ستم کے مشق سیاست کیا کہیے