ji mein aata hai but-e-kafir teri puja karun

jī meñ aatā hai but-e-kāfir tirī puujā karūñ

ā.īna tujh ko banā.ūñ aur maiñ dekhā karūñ

vaa.e nākāmī ki ab tak maiñ huuñ mahrūm-e-visāl

kyā yahī hai munsifī ki umr-bhar taḌpā karūñ

umr āḳhir ho ga.ī ai jān-e-ālam tā-ba-ke

dair meñ masjid meñ ka.aba meñ tujhe DhūñDā karūñ

jis kī hasrat hai mujhe miltā nahīñ vo māh-rū

ai falak hūrān-e-jannat le ke āḳhir kyā karūñ

ye bhī ik Dar hai kahīñ rusvā na ho qātil mirā

hashr meñ ḳhūn-e-tamannā kā agar da.avā karūñ

hai yahī apnī tamannā ai razā-e-vārsī

rū-ba-rū pīr-e-muġhāñ ho aur maiñ dekhā karūñ

ji mein aata hai but-e-kafir teri puja karun

aaina tujh ko banaun aur main dekha karun

wae nakaami ki ab tak main hun mahrum-e-visal

kya yahi hai munsifi ki umr-bhar taDpa karun

umr aaKHir ho gai ai jaan-e-alam ta-ba-ke

dair mein masjid mein kaba mein tujhe DhunDa karun

jis ki hasrat hai mujhe milta nahin wo mah-ru

ai falak huran-e-jannat le ke aaKHir kya karun

ye bhi ek Dar hai kahin ruswa na ho qatil mera

hashr mein KHun-e-tamanna ka agar dawa karun

hai yahi apni tamanna ai raza-e-warsi

ru-ba-ru pir-e-mughan ho aur main dekha karun