jise tajalli-e-jaanan se aagahi na hui

jise tajallī-e-jānāñ se āgahī na huī

vo zindagī to huī asl zindagī na huī

vo kyā hayāt hai jo tark-e-bandagī na huī

charāġh jaltā rahā aur raushnī na huī

tere mizāj meñ ek din bhī barhamī na huī

ḳhushī kī baat thī lekin mujhe ḳhushī na huī

shahīd-e-nāz kā rutba kisī ko kyā ma.alūm

kisī sarisht meñ taḳhlīq-e-sarmadī na huī

mujhe sukūn kī duniyā na mil sakī ab tak

merī jabīñ pe sajda jo maktabī na huī

qadam qadam pe rahī ek yaad dāman-gīr

tumhārī bazm meñ ye mujh ko be-ḳhudī na huī

nigār-ḳhānoñ meñ kyā kyā sukūn dil ko milā

ye aur baat hai taskīn-dā.imī na huī

jahāñ bhī dekhā jidhar dekhā aap ko dekhā

maiñ kyuuñ kahūñ ki ye me.arāj-e-āshiqī na huī

tamām-umr guzārī hai mai-kade meñ magar

vo riñd huuñ ki tabī.at ko serī na huī

ek aap hī insāniyat ke paikar haiñ

ye ek fareb huā qadar-e-ādamī na huī

mushā.eron kī fazā tak ho chukā lutf-o-surūr

'azīz-vārsī' ham se vo shā.erī na huī

jise tajalli-e-jaanan se aagahi na hui

wo zindagi to hui asl zindagi na hui

wo kya hayat hai jo tark-e-bandagi na hui

charagh jalta raha aur raushni na hui

tere mizaj mein ek din bhi barhami na hui

KHushi ki baat thi lekin mujhe KHushi na hui

shahid-e-naz ka rutba kisi ko kya malum

kisi sarisht mein taKHliq-e-sarmadi na hui

mujhe sukun ki duniya na mil saki ab tak

meri jabin pe sajda jo maktabi na hui

qadam qadam pe rahi ek yaad daman-gir

tumhaari bazm mein ye mujh ko be-KHudi na hui

nigar-KHanon mein kya kya sukun dil ko mila

ye aur baat hai taskin-daimi na hui

jahan bhi dekha jidhar dekha aap ko dekha

main kyun kahun ki ye mearaj-e-ashiqi na hui

tamam-umr guzari hai mai-kade mein magar

wo rind hun ki tabiat ko seri na hui

ek aap hi insaniyat ke paikar hain

ye ek fareb hua qadar-e-adami na hui

mushaeron ki faza tak ho chuka lutf-o-surur

'aziz-warsi' hum se wo shaeri na hui