jiye yahan ke liye ya mare wahan ke liye
jiye yahan ke liye ya mare wahan ke liye
Khwaja Azizul Hasan Majzoob
MORE BYKhwaja Azizul Hasan Majzoob
jiye yahāñ ke liye yā mare vahāñ ke liye
akelā-dam kare kyā kyā kahāñ kahāñ ke liye
sabab na pūchh ki ye ibtidā kī bāteñ haiñ
fuġhāñ hī ab to sabab hai mirī fuġhāñ ke liye
na rāz-e-husn kī tafsīl pūchh ai hamdam
ḳhulāsa ye ki aafat hai rāz-dāñ ke liye
'asā-e-āh liyā jāma-e-fanā pahnā
batā de dil haiñ ye tayyāriyāñ kahāñ ke liye
na baiTh mutma.in ai dil ke hai ye nādānī
vo imtihāñ se gurezāñ haiñ imtihāñ ke liye
uTheñge hashr meñ kahte hue ki hā-e-ġhazab
rahegā ḳhuub ye unvān dāstāñ ke liye
na samjho baḌ use 'majzūb' kī baġhaur suno
ye ek ganj-e-ma.ānī hai nukta daañ ke liye
jiye yahan ke liye ya mare wahan ke liye
akela-dam kare kya kya kahan kahan ke liye
sabab na puchh ki ye ibtida ki baaten hain
fughan hi ab to sabab hai meri fughan ke liye
na raaz-e-husn ki tafsil puchh ai hamdam
KHulasa ye ki aafat hai raaz-dan ke liye
'asa-e-ah liya jama-e-fana pahna
bata de dil hain ye tayyariyan kahan ke liye
na baiTh mutmain ai dil ke hai ye nadani
wo imtihan se gurezan hain imtihan ke liye
uThenge hashr mein kahte hue ki ha-e-ghazab
rahega KHub ye unwan dastan ke liye
na samjho baD use 'majzub' ki baghaur suno
ye ek ganj-e-maani hai nukta dan ke liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
