jo dur se bhi nazar tujh pe yar hum karte

jo duur se bhī nazar tujh pe yaar ham karte

hazār jān-e-girāmī nisār ham karte

tire ḳhayāl se bāteñ hazār ham karte

ġham-e-firāq ko yuuñ ḳhush-gavār ham karte

havā-e-gul meñ na parvā-e-ḳhār ham karte

rah-e-talab meñ qadam ustuvār ham karte

abhī kuchh aur dam-e-vāpsīñ Thahar jaatā

kuchh aur bhī jo terā intizār ham karte

vo baar baar sazā jurm-e-shauq par dete

magar qusūr vahī baar baar ham karte

tire sitam kī shikāyat zarūrat kyā thī hameñ

ki shauq se gila-e-rozgār ham karte

ġhubār-e-rāh-e-mohabbat agar kahīñ miltā

to us ko tāj-e-sar-e-iftiḳhār ham karte

diloñ kī dasht-e-tamannā meñ thī farāvānī

vo kahte haiñ ki kahāñ tak shikār ham karte

vo vaqt bhī kahīñ aatā ki arz-e-hāl ke ba.ad

tirī jafā pe tujhe sharmsār ham karte

terā ḳhayāl na dil se kisī tarah jaatā

tujhe na bhūlte koshish hazār ham karte

jo naam aap kā lete sukūn-e-ġham ke liye

to dil ko aur bhī kuchh be-qarār ham karte

samajh ke chhoḌ diye be-hisāb āḳhir-kār

ki dil ke daaġh kahāñ tak shumār ham karte

abhī se tujh pe fidā ho ga.e to ġham kyā hai

ki ye vahī hai jo pāyān-e-kār ham karte

baḌā gunāh kiyā tark-e-mai se shak meñ paḌe

yaqīn-e-rahmat-e-āmurzgār ham karte

adū se kyuuñ haiñ vo raazī na kuchh khulā 'hasrat'

ki phir tarīq vahī iḳhtiyār ham karte

jo dur se bhi nazar tujh pe yar hum karte

hazar jaan-e-girami nisar hum karte

tere KHayal se baaten hazar hum karte

gham-e-firaq ko yun KHush-gawar hum karte

hawa-e-gul mein na parwa-e-KHar hum karte

rah-e-talab mein qadam ustuwar hum karte

abhi kuchh aur dam-e-wapsin Thahar jata

kuchh aur bhi jo tera intizar hum karte

wo bar bar saza jurm-e-shauq par dete

magar qusur wahi bar bar hum karte

tere sitam ki shikayat zarurat kya thi hamein

ki shauq se gila-e-rozgar hum karte

ghubar-e-rah-e-mohabbat agar kahin milta

to us ko taj-e-sar-e-iftiKHar hum karte

dilon ki dasht-e-tamanna mein thi farawani

wo kahte hain ki kahan tak shikar hum karte

wo waqt bhi kahin aata ki arz-e-haal ke baad

teri jafa pe tujhe sharmsar hum karte

tera KHayal na dil se kisi tarah jata

tujhe na bhulte koshish hazar hum karte

jo nam aap ka lete sukun-e-gham ke liye

to dil ko aur bhi kuchh be-qarar hum karte

samajh ke chhoD diye be-hisab aaKHir-kar

ki dil ke dagh kahan tak shumar hum karte

abhi se tujh pe fida ho gae to gham kya hai

ki ye wahi hai jo payan-e-kar hum karte

baDa gunah kiya tark-e-mai se shak mein paDe

yaqin-e-rahmat-e-amurzgar hum karte

adu se kyun hain wo raazi na kuchh khula 'hasrat'

ki phir tariq wahi iKHtiyar hum karte