jo ki teri tamanna to tamanna thi mujhe gham ki

jo kī terī tamannā to tamannā thī mujhe ġham kī

tamannā se magar sāzish tirī nazroñ ne kyā kam kī

nahīñ mauqūf kuchh milne na milne par tire zālim

mire dil se na jā.egā ye fitrat hai tire ġham kī

taqāzā dard-e-dil kā hai ki lekar mujh ko uḌ jaa.e

jise kahte haiñ naala koshish-e-nākām hai ram kī

tumheñ jab dekhtā huuñ chāhtā hai jī ki miT jā.ūñ

ḳhudā jaane ye kaifiyyat masarrat kī hai yā ġham kī

ḳhalish ḳhār-e-tamannā kī hai vaj.h-e-zindagī mujh ko

vafā kā kyā karūñ shikvā jafā bhī aap ne kam kī

na chheḌo sāz-e-'ishrat aur thoḌī der dam le lo

na kar de past naġhmoñ ko sadā 'maikash' ke mātam kī

jo ki teri tamanna to tamanna thi mujhe gham ki

tamanna se magar sazish teri nazron ne kya kam ki

nahin mauquf kuchh milne na milne par tere zalim

mere dil se na jaega ye fitrat hai tere gham ki

taqaza dard-e-dil ka hai ki lekar mujh ko uD jae

jise kahte hain nala koshish-e-nakaam hai ram ki

tumhein jab dekhta hun chahta hai ji ki miT jaun

KHuda jaane ye kaifiyyat masarrat ki hai ya gham ki

KHalish KHar-e-tamanna ki hai wajh-e-zindagi mujh ko

wafa ka kya karun shikwa jafa bhi aap ne kam ki

na chheDo saz-e-'ishrat aur thoDi der dam le lo

na kar de past naghmon ko sada 'maikash' ke matam ki