jo kuchh ki thā wazāif-o-aurād rah gayā

jo kuchh ki thā vazā.if-o-aurād rah gayā

terā hī ek naam faqat yaad rah gayā

zālim tirī nigah ne kiye ghar ke ghar ḳharāb

hogā koī makāñ ki vo ābād rah gayā

jaate haiñ ham-safīr chaman ko par ek maiñ

yaañ kushta-e-taġhāful-e-sayyād rah gayā

juuñ hī do-chār aa ke huā vo nazar-fareb

le kar qalam ko haath meñ bahzād rah gayā

is sarv-e-gul-azār kī tarz-e-ḳhirām dekh

ḳhajlat se gaḌ zamīn meñ shamshād rah gayā

kis kis kā dil na shaad kiyā tū ne ai falak

ik maiñ hī ġham-zada huuñ ki nāshād rah gayā

'bedār' rāh-e-ishq kisī se na tai huī

sahrā meñ qais koh meñ farhād rah gayā

jo kuchh ki thā wazāif-o-aurād rah gayā

terā hī ek nam faqat yaad rah gayā

zālim tirī nigah ne kiye ghar ke ghar ḳharāb

hogā koī makāñ ki wo ābād rah gayā

jate haiñ ham-safīr chaman ko par ek maiñ

yañ kushta-e-taġhāful-e-sayyād rah gayā

juñ hī do-chār aa ke huā wo nazar-fareb

le kar qalam ko hath meñ bahzād rah gayā

is sarw-e-gul-azār kī tarz-e-ḳhirām dekh

ḳhajlat se gaḌ zamīn meñ shamshād rah gayā

kis kis kā dil na shad kiyā tū ne ai falak

ek maiñ hī ġham-zada huñ ki nāshād rah gayā

'bedār' rāh-e-ishq kisī se na tai huī

sahrā meñ qais koh meñ farhād rah gayā