jo zamin par faragh rakhte hain

jo zamīñ par farāġh rakhte haiñ

āsmāñ par dimāġh rakhte haiñ

saaqī bhar bhar unhīñ ko de hai sharāb

jo ki labrez ayāġh rakhte haiñ

tere dāġhoñ kī daulat ai gul-rū

ham bhī siine meñ baaġh rakhte haiñ

hājat-e-sham.a kyā hai turbat par

ham ki dil sā charāġh rakhte haiñ

aap ko ham ne kho diyā hai 'bayāñ'

aah kis kā surāġh rakhte haiñ

jo zamin par faragh rakhte hain

aasman par dimagh rakhte hain

saqi bhar bhar unhin ko de hai sharab

jo ki labrez ayagh rakhte hain

tere daghon ki daulat ai gul-ru

hum bhi sine mein bagh rakhte hain

hajat-e-shama kya hai turbat par

hum ki dil sa charagh rakhte hain

aap ko hum ne kho diya hai 'bayan'

aah kis ka suragh rakhte hain