juda sab se yahan phir aap ka kirdar ho jae

judā sab se yahāñ phir aap kā kirdār ho jaa.e

jo dil meñ hai zabāñ par us kā gar iz.hār ho jaa.e

na maaro is tarah patthar kabhī ḳhāmosh lahroñ meñ

patā kyā kab palaT kar us taraf se vaar ho jaa.e

likheñge sach qalam se ab yahī vā'da kiyā ham ne

bhale dushman koī ab shahr meñ hī yaar ho jaa.e

isī Dar se daf' us ko kiyā mahfil se vā'iz jo

adhik mash.hūr us se vo na bar-ḳhurdār ho jaa.e

hameñ manzūr hai ādāb aage se tumheñ karnā

pahl gar ho karo to dil gul-e-gulzār ho jaa.e

rahe tā-'umr ham ḳhud ko bachāte ’ishq-bāzī se

du'ā hai ab vo bīmārī hameñ bhī yaar ho jaa.e

rakho āhista-āhista qadam dil ke baġhīche meñ

hameñ Dar hai kahīñ ham ko na tum se pyaar ho jaa.e

lagā loge agar Derā hamāre ḳhvāb meñ yuuñ ho

hamārī niiñd āñkhoñ se na be-ghar-bār ho jaa.e

juda sab se yahan phir aap ka kirdar ho jae

jo dil mein hai zaban par us ka gar izhaar ho jae

na maro is tarah patthar kabhi KHamosh lahron mein

pata kya kab palaT kar us taraf se war ho jae

likhenge sach qalam se ab yahi wa'da kiya hum ne

bhale dushman koi ab shahr mein hi yar ho jae

isi Dar se daf' us ko kiya mahfil se wa'iz jo

adhik mashhur us se wo na bar-KHurdar ho jae

hamein manzur hai aadab aage se tumhein karna

pahl gar ho karo to dil gul-e-gulzar ho jae

rahe ta-'umr hum KHud ko bachate ’ishq-bazi se

du'a hai ab wo bimari hamein bhi yar ho jae

rakho aahista-ahista qadam dil ke baghiche mein

hamein Dar hai kahin hum ko na tum se pyar ho jae

laga loge agar Dera hamare KHwab mein yun ho

hamari nind aankhon se na be-ghar-bar ho jae