jun hi aamad aamad-e-ishq ka mujhe dil ne muzda suna diya

juuñ hī aamad āmad-e-'ishq kā mujhe dil ne muzda sunā diyā

kHirad-o-havās-o-shakeb ne vahīñ kos-e-kūch bajā diyā

jise dekhnā hī muhāl thā na thā us kā nām-o-nishāñ kahīñ

so har ek zarre meñ 'ishq ne hameñ us kā jalva dikhā diyā

karūñ kyā bayāñ maiñ ham-nashīñ asar us kī luf-o-nigāh kā

ki ta’ayyunāt kī qaid se mujhe ek dam meñ chhuḌā diyā

mire chakhne ke liye ek jar’a bhī us sharāb kā thā bahut

tū ne sair-chashmī se sāqiyā sar-e-ḳhum ko le ke jhukā diyā

mujhe 'ishq-e-dil se hī kaam thā na ki ustuḳhvān ko phūñknā

ġhazab ek sher ke vāste tū ne nīstāñ ko jalā diyā

tirī nāsehā ye chunāñ-chunīñ ki haiñ ḳhud-pasandī ke sab qarīñ

na dikhā.ī degī tujhe kabhī kahīñ jo bhī kisī ne bujhā diyā

rakhe haiñ 'niyāz' ye ahl-e-dil tire sher sunñe kā ishtiyāq

ġhazal ek dūsrī aur kah tujhe haq ne fikr-e-rasā diyā

jun hi aamad aamad-e-'ishq ka mujhe dil ne muzda suna diya

kHirad-o-hawas-o-shakeb ne wahin kos-e-kuch baja diya

jise dekhna hi muhaal tha na tha us ka nam-o-nishan kahin

so har ek zarre mein 'ishq ne hamein us ka jalwa dikha diya

karun kya bayan main ham-nashin asar us ki luf-o-nigah ka

ki ta’ayyunat ki qaid se mujhe ek dam mein chhuDa diya

mere chakhne ke liye ek jar’a bhi us sharab ka tha bahut

tu ne sair-chashmi se saqiya sar-e-KHum ko le ke jhuka diya

mujhe 'ishq-e-dil se hi kaam tha na ki ustuKHwan ko phunkna

ghazab ek sher ke waste tu ne nistan ko jala diya

teri naseha ye chunan-chunin ki hain KHud-pasandi ke sab qarin

na dikhai degi tujhe kabhi kahin jo bhi kisi ne bujha diya

rakhe hain 'niyaz' ye ahl-e-dil tere sher sunne ka ishtiyaq

ghazal ek dusri aur kah tujhe haq ne fikr-e-rasa diya