kahan hum rahe phir kahan dil rahega
kahāñ ham rahe phir kahāñ dil rahegā
isī tarah gar tū muqābil rahegā
khulī jab girah band-e-hastī kī tujh se
to uqda koī phir na mushkil rahegā
dil-e-ḳhalq meñ tuḳhm ehsāñ ke bo le
yahī kisht-e-duniyā kā hāsil rahegā
hijāb-e-ḳhudī uTh gayā jab ki dil se
to parda koī phir na haa.el rahegā
na pahuñchegā maqsad ko kam-himmatī se
jo sālik talabgār-e-manzil rahegā
na hogā tū āgāh irfān-e-haq se
gar apnī haqīqat se ġhāfil rahegā
ḳhafā mat ho 'bedār' andesha kyā hai
milā gar na vo aaj kal mil rahegā
kahan hum rahe phir kahan dil rahega
isi tarah gar tu muqabil rahega
khuli jab girah band-e-hasti ki tujh se
to uqda koi phir na mushkil rahega
dil-e-KHalq mein tuKHm ehsan ke bo le
yahi kisht-e-duniya ka hasil rahega
hijab-e-KHudi uTh gaya jab ki dil se
to parda koi phir na hael rahega
na pahunchega maqsad ko kam-himmati se
jo salik talabgar-e-manzil rahega
na hoga tu aagah irfan-e-haq se
gar apni haqiqat se ghafil rahega
KHafa mat ho 'bedar' andesha kya hai
mila gar na wo aaj kal mil rahega
- Book : Diwan-e-Bedar edited: Jalil Ahmad Qidwai (Pg. 3)
- Author : Meer Mohammad 'Bedar'
- Publication : Hindustani Academy, Allahabad (1937)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
