kahne ko to ai dil duniya mein talwar hai nashtar hai ulfat

kahne ko to ai dil duniyā meñ talvār hai nashtar hai ulfat

sachchā hai agar terā jazba phūloñ se hasīñ-tar hai ulfat

aate haiñ masā.ib ulfat meñ dil ġham se bhī chhalnī hotā hai

vo sāmne har-dam rahte haiñ firdaus se behtar hai ulfat

khiñchtī haiñ yahāñ par khāleñ bhī suulī bhī chaḌhāyā jaatā hai

phir god meñ letī hai rahmat in.aam kā paikar hai ulfat

ye jism jo āb-o-gil se banā hotā hai karam se un ke fanā

phir zaat meñ miltā hai sālik ik nuur kī chādar hai ulfat

kyā zikr ibādat taqvā kā jab ishq ḳhudā apnā Thahrā

kahtā huuñ yūñhī maiñ ai 'kāvish' har chiiz se bartar hai ulfat

kahne ko to ai dil duniya mein talwar hai nashtar hai ulfat

sachcha hai agar tera jazba phulon se hasin-tar hai ulfat

aate hain masaib ulfat mein dil gham se bhi chhalni hota hai

wo samne har-dam rahte hain firdaus se behtar hai ulfat

khinchti hain yahan par khaalen bhi suli bhi chaDhaya jata hai

phir god mein leti hai rahmat inam ka paikar hai ulfat

ye jism jo aab-o-gil se bana hota hai karam se un ke fana

phir zat mein milta hai salik ek nur ki chadar hai ulfat

kya zikr ibaadat taqwa ka jab ishq KHuda apna Thahra

kahta hun yunhi main ai 'kawish' har chiz se bartar hai ulfat