tum apne ko KHud apne hi jalwon mein chhupa ke

tum apne ko ḳhud apne hī jalvoñ meñ chhupā ke

dekho na tamāsha mujhe dīvāna banā ke

mahrūm karam ho ga.e kyuuñ hosh meñ aake

bhūke the abhī ham tire dāman kī havā ke

tā nigah-e-shauq kī ḳhātir ho jo parda

farmā.e dekhūñ kise phir us ko haTā ke

nā-qābil-e-tarmīm hai dastūr-e-mohabbat

ahkām badalte nahīñ qānūn-e-vafā ke

khulnā hai pas-e-pursa haqīqat ko bhī ik din

kheloge kahāñ tak mujhe afsāna banā ke

majnūñ hī ke jalvoñ kā tamāsha nazar aayā

dekhā jo naqāb-e-ruḳh-e-līlā ko haTā ke

kam-zarf nahīñ huuñ ki bahak jā.ūñ nazar se

ik tajraba kar lījiye ye mai bhī pilā ke

har chand hai dāġhoñ se gulistāñ mirā siina

tum phir bhī to ma.asūm ho gul itne khilā ke

haiñ merī nigāhoñ pe hazāroñ kī nigāheñ

dekhūñ tumheñ kis kis kī nigāhoñ se bachā ke

har chiiz mashiyyat kā nishāna haiñ vo 'kāmil'

saḳhtī se jo pāband haiñ ādāb-e-vafā ke

tum apne ko KHud apne hi jalwon mein chhupa ke

dekho na tamasha mujhe diwana bana ke

mahrum karam ho gae kyun hosh mein aake

bhuke the abhi hum tere daman ki hawa ke

ta nigah-e-shauq ki KHatir ho jo parda

farmae dekhun kise phir us ko haTa ke

na-qabil-e-tarmim hai dastur-e-mohabbat

ahkaam badalte nahin qanun-e-wafa ke

khulna hai pas-e-pursa haqiqat ko bhi ek din

kheloge kahan tak mujhe afsana bana ke

majnun hi ke jalwon ka tamasha nazar aaya

dekha jo naqab-e-ruKH-e-lila ko haTa ke

kam-zarf nahin hun ki bahak jaun nazar se

ek tajraba kar lijiye ye mai bhi pila ke

har chand hai daghon se gulistan mera sina

tum phir bhi to masum ho gul itne khila ke

hain meri nigahon pe hazaron ki nigahen

dekhun tumhein kis kis ki nigahon se bacha ke

har chiz mashiyyat ka nishana hain wo 'kaamil'

saKHti se jo paband hain aadab-e-wafa ke