Sufinama

kya ek nazar ki zahmat bhi ai jaan-e-jahan manzur nahin

Kamil Shattari

kya ek nazar ki zahmat bhi ai jaan-e-jahan manzur nahin

Kamil Shattari

MORE BYKamil Shattari

    kyā ek nazar zahmat bhī ai jān-e-jahāñ manzūr nahīñ

    maiñ chāhe kisī qābil na sahī tere to karam se duur nahīñ

    har-chand faqat muḳhtār nahīñ har-chand faqat majbūr nahīñ

    ik aah to bhar luuñ apnī ḳhushī itnā bhī mujhe maqdūr nahīñ

    haañ haq to adā kar letā huuñ ai dost tire har jalve

    lekin maiñ dekhūñ tere sivā tauhīn-e-nazar manzūr nahīñ

    hai jitnā taqarrub un se jise utnā kasā jaatā hai use

    ā.īn-e-mohabbat sab se na.e phir koī nayā dastūr nahīñ

    ye dāġh-e-mohabbat hai jab tak tārīk nahīñ māhaul mirā

    har shab hai shab-e-mah mere liye koī bhī shab-e-daijūr nahīñ

    ahvāl-e-darūñ insāñ ke ġhammāz nigāheñ hotī haiñ

    āñkhoñ meñ nazar mastūr sahī āñkhoñ se nazar mastūr nahīñ

    vo rāh-navard-e-shauq huuñ maiñ mushtāq haiñ rāheñ ḳhud merī

    jab haath meñ dāman hai un phir koī bhī manzil duur nahīñ

    dil jis na ho andhā us āñkheñ hoñ agar be-nūr to kyā

    haañ us pe magar kuchh ġhaur kaaro dil to kahīñ be-nūr nahīñ

    jo chāheñ kaheñ ye dīvāne ā.īn-e-vafā se begāne

    mushrik huuñ agar qadmoñ pe tire sajdoñ ke liye māmūr nahīñ

    jab maiñ na huuñ hotā hai koī paatā hai jahāñ khotā hai koī

    kyā is meñ maqam-e-hairat hai jalva nahīñ tuur nahīñ

    be-vaj.h nahīñ ye ashk ravāñ miltī haiñ mohabbat kaḌiyāñ

    tum paas bhī ho kar paas nahīñ ham duur bhī rah kar duur nahīñ

    har ghaav hai 'kāmil' muzda-e-nau har daaġh hayāt-e-ġham naved

    jiine maza kyā ḳhaak mile zaḳhmoñ se agar dil chuur nahīñ

    kya ek nazar ki zahmat bhi ai jaan-e-jahan manzur nahin

    main chahe kisi qabil na sahi tere to karam se dur nahin

    har-chand faqat muKHtar nahin har-chand faqat majbur nahin

    ek aah to bhar lun apnī KHushi itna bhi mujhe maqdur nahin

    han haq to ada kar leta hun ai dost tere har jalwe ka

    lekin main dekhun tere siwa tauhin-e-nazar manzur nahin

    hai jitna taqarrub un se jise utna hi kasa jata hai use

    aain-e-mohabbat sab se nae phir koi naya dastur nahin

    ye dagh-e-mohabbat hai jab tak tarik nahin mahaul mera

    har shab hai shab-e-mah mere liye koi bhi shab-e-daijur nahin

    ahwal-e-darun ki insan ke ghammaz nigahen hoti hain

    aankhon mein nazar mastur sahi aankhon se nazar mastur nahin

    wo rah-naward-e-shauq hun main mushtaq hain rahen KHud meri

    jab hath mein daman hai un ka phir koi bhi manzil dur nahin

    dil jis ka na ho andha us ki aankhen hon agar be-nur to kya

    han us pe magar kuchh ghaur karo dil hi to kahin be-nur nahin

    jo chahen kahen ye diwane aain-e-wafa se begane

    mushrik hun agar qadmon pe tere sajdon ke liye mamur nahin

    jab main hi na hun hota hai koi pata hai jahan khota hai koi

    kya is mein maqam-e-hairat hai ya jalwa nahin ya tur nahin

    be-wajh nahin ye ashk rawan milti hain mohabbat ki kaDiyan

    tum pas bhi ho kar pas nahin hum dur bhi rah kar dur nahin

    har ghaw hai 'kaamil' muzda-e-nau har dagh hayat-e-gham ki nawed

    jine ka maza kya KHak mile zaKHmon se agar dil chur nahin

    Source :
    • Book : Wardat-e-Kamil Diwan-e-Kamil (Pg. 133)
    • Author : Kamil Shattari
    • Publication : Kamil Academy (1962)
    • Edition : 4th
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now