kare ranjur dil ko kyun na chashm-e-yar ka saya

kare ranjūr dil ko kyuuñ na chashm-e-yār kā saayā

vo kyā achchhā rahe jis par paḌe bīmār kā saayā

qusūr-e-fahm hai samjhe use gar ḳhaar kā saayā

paḌā lailā tire majnūñ ke jism-e-zār kā saayā

dilā sarv-e-chaman kyā hai qad-e-dildār kā saayā

ki sumbul bhī hai us kī zulf-e-ambar yaar kā saayā

mazār-e-kohkan par shāmiyāne kī kyā hājat

sadā rahtā hai us par dāman-e-kohsār kā saayā

karūñ maiñ kyuuñ na ai dil sūra-e-jinn paḌh ke dam tujh par

ki tujh ko ho gayā hai us parī-ruḳhsār kā saayā

siyah-kāroñ pe hai nāzil hamesha rahmat-e-bārī

ba-farq-e-mai-kashāñ hai abr-e-dariyā-bār kā saayā

samajh kar saañp us ko vo gale se mere aa lipTā

jo shab bistar pe dekhā gul-badan ne haar kā saayā

havas ḳhema-nashīnī kī nahīñ ham ḳhāksāroñ ko

tire ai charḳh bas hai gumbad-e-dvvār kā saayā

na jaanā sarzamīn-e-zulf se tū maañg meñ ai dil

na us raste meñ paanī hai na hai ashjār kā saayā

nasīr-e-ḳhasta-jāñ jannat se is kūche ko kab badle

ba az zill-e-humā hai yaar kī dīvār kā saayā

kare ranjur dil ko kyun na chashm-e-yar ka saya

wo kya achchha rahe jis par paDe bimar ka saya

qusur-e-fahm hai samjhe use gar KHar ka saya

paDa laila tere majnun ke jism-e-zar ka saya

dila sarw-e-chaman kya hai qad-e-dildar ka saya

ki sumbul bhi hai us ki zulf-e-ambar yar ka saya

mazar-e-kohkan par shamiyane ki kya hajat

sada rahta hai us par daman-e-kohsar ka saya

karun main kyun na ai dil sura-e-jinn paDh ke dam tujh par

ki tujh ko ho gaya hai us pari-ruKHsar ka saya

siyah-karon pe hai nazil hamesha rahmat-e-bari

ba-farq-e-mai-kashan hai abr-e-dariya-bar ka saya

samajh kar sanp us ko wo gale se mere aa lipTa

jo shab bistar pe dekha gul-badan ne haar ka saya

hawas KHema-nashini ki nahin hum KHaksaron ko

tere ai charKH bas hai gumbad-e-dwwar ka saya

na jaana sarzamin-e-zulf se tu mang mein ai dil

na us raste mein pani hai na hai ashjar ka saya

nasir-e-KHasta-jaan jannat se is kuche ko kab badle

ba az zill-e-huma hai yar ki diwar ka saya