karta hun ab ke bar main tauba se tauba yar

kartā huuñ ab ke baar maiñ tauba se tauba yaar

kis vāste ki TuuTī hai tauba hazār baar

jal hī gayā firāq tū ātish se hijr kī

āñkhoñ meñ mirī rah na sakā yaaro intizār

barbād merī ḳhaak huī vaañ na le ga.ī

dil meñ mire rahegā sabā se yahī ġhubār

sāġhar tujhe qasam hai sar ḳham kī jald bhar

kartā hai dast-gīr vagarna mujhe ḳhumār

is tañg-nā-e-dahr se bāhar qadam ko rakh

hai āsmāñ zamīñ se pare vus.at-e-mazār

marham lagā na daaġh ko jarrāh mehr kar

ye daaġh taaza mere kisī kī haiñ yādgār

chaltā huuñ rāh-e-ishq meñ āñkhoñ se misl-e-ashk

phūTeñ kahīñ ye aable sarsabz hoveñ ḳhaar

ātish se gul kī daaġh magar 'ishq' khaa.e the

aa.ī jo peshvā tujhe lene ko nau-bahār

karta hun ab ke bar main tauba se tauba yar

kis waste ki TuTi hai tauba hazar bar

jal hi gaya firaq tu aatish se hijr ki

aankhon mein meri rah na saka yaro intizar

barbaad meri KHak hui wan na le gai

dil mein mere rahega saba se yahī ghubar

saghar tujhe qasam hai sar KHam ki jald bhar

karta hai dast-gir wagarna mujhe KHumar

is tang-na-e-dahr se bahar qadam ko rakh

hai aasman zamin se pare wusat-e-mazar

marham laga na dagh ko jarrah mehr kar

ye dagh taza mere kisi ki hain yaadgar

chalta hun rah-e-ishq mein aankhon se misl-e-ashk

phuTen kahin ye aable sarsabz howen KHar

aatish se gul ki dagh magar 'ishq' khae the

aai jo peshwa tujhe lene ko nau-bahaar