Sufinama

dil ko daghon se shab-e-hijr bahalne na diya

Kausar Khairabadi

dil ko daghon se shab-e-hijr bahalne na diya

Kausar Khairabadi

MORE BYKausar Khairabadi

    dil ko dāġhoñ se shab-e-hijr bahalne na diyā

    mash.aloñ ko shab-e-tārīk meñ jalne na diyā

    bāġh-e-ālam meñ hameñ phūlne-phalne na diyā

    āsmāñ ne koī armāñ nikalne na diyā

    sozish-e-dil ne kabhī ashkoñ ko Dhalne na diyā

    ham ne is dhuup meñ bachchoñ ko nikalne na diyā

    ma.ashūq-e-pā-bos meñ āshiq ne bichā.ī āñkheñ

    farsh-e-gul par kabhī is shoḳh ko chalne na diyā

    nigah-e-nāz ke vo tiir lagā.e paiham

    bāñke tirchoñ ko zarā us ne sambhalne na diyā

    mahfil-e-yār meñ aġhyār haiñ haaye ġhazab

    bāġh-e-firdaus se kāñToñ ko nikalne na diyā

    ḳhūn-e-ushshāq se qātil ne na khelī holī

    saf-e-maqtal meñ kabhī rañg uchhalne na diyā

    vasl meñ gesū-e-shab-gūñ ne chhupā.ī aariz

    lailatul-qadr meñ kyuuñ chāñd nikalne na diyā

    umr-bhar dil meñ rahī yaad parī-rūoñ

    'kausar' is shīshe se pariyoñ ko nikalne na diyā

    dil ko daghon se shab-e-hijr bahalne na diya

    mashalon ko shab-e-tarik mein jalne na diya

    bagh-e-alam mein hamein phulne-phalne na diya

    aasman ne koi arman nikalne na diya

    sozish-e-dil ne kabhi ashkon ko Dhalne na diya

    hum ne is dhup mein bachchon ko nikalne na diya

    mashuq-e-pa-bos mein aashiq ne bichai aankhen

    farsh-e-gul par kabhi is shoKH ko chalne na diya

    nigah-e-naz ke wo tir lagae paiham

    banke tirchon ko zara us ne sambhalne na diya

    mahfil-e-yar mein aghyar hain haye ghazab

    bagh-e-firdaus se kanTon ko nikalne na diya

    KHun-e-ushshaq se qatil ne na kheli holi

    saf-e-maqtal mein kabhi rang uchhalne na diya

    wasl mein gesu-e-shab-gun ne chhupai aariz

    lailatul-qadr mein kyun chand nikalne na diya

    umr-bhar dil mein rahi yaad pari-ruon ki

    'kausar' is shishe se pariyon ko nikalne na diya

    Source :
    • Book : Tazkira Sho.ara-e-Warsia (Pg. 81)
    • Publication : Fine Books Printers (1993)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now