aankhon se dil mein dil se kaleje mein rah ki

āñkhoñ se dil meñ dil se kaleje meñ raah kī

dekhī chalat-phirat terī tīr-e-nigāh kī

husn-o-jamāl par jis ne nigāh kī

puurī huī daad dil-e-dād-ḳhvāh kī

kaarī lagī jigar pe kaTārī nigāh kī

be-ḳhud huā zamīñ par girā dil se aah kī

dil ko biThā.e detī hai taklīf raah kī

kyuuñ kar koī uThā.e ye gaThrī gunāh kī

maidān-e-hashr hākim-e-ādil kā sāmnā

rañgat uḌī huī hai but-e-kaj-kulāh kī

jī-bhar ke shāh-e-ishq kī ḳhidmat na kar sake

dāvat faqīr se na huī bādshāh kī

vo nīm-jāñ huuñ maiñ kisī pahlū nahīñ qarār

barchhī jigar par khaa.ī hai tirchhī nigāh kī

'kausar' vasl shāh-e-hasīnāñ kī aarzū

mujh ko nahīñ jahāñ meñ havas māl-o-jāh kī

aankhon se dil mein dil se kaleje mein rah ki

dekhi chalat-phirat teri tir-e-nigah ki

husn-o-jamal par jis ne nigah ki

puri hui dad dil-e-dad-KHwah ki

kari lagi jigar pe kaTari nigah ki

be-KHud hua zamin par gira dil se aah ki

dil ko biThae deti hai taklif rah ki

kyun kar koi uThae ye gaThri gunah ki

maidan-e-hashr hakim-e-adil ka samna

rangat uDi hui hai but-e-kaj-kulah ki

ji-bhar ke shah-e-ishq ki KHidmat na kar sake

dawat faqir se na hui baadshah ki

wo nim-jaan hun main kisi pahlu nahin qarar

barchhi jigar par khai hai tirchhi nigah ki

'kausar' wasl shah-e-hasinan ki aarzu

mujh ko nahin jahan mein hawas mal-o-jah ki