le ke dil aaya tha jo be-dil gaya

le ke dil aayā thā jo be-dil gayā

un se milne kā natīja mil gayā

ro.ab-e-qātil se zarā taḌpe na ham

zer-e-ḳhanjar iztirāb-e-dil gayā

paañv phailā kar lahad meñ so.e ham

ho ga.ī sehat jo dard-e-dil mil gayā

saḳht-jānī se galā kaTtā nahīñ

e'tibār-e-ḳhanjar-e-qātil gayā

vasl meñ siine se lipTā kar kahā

hai kasak baaqī ki dard-e-dil gayā

sīna-e-bismil pe un kā haath hai

ab vo lutf-e-iztirāb-e-dil gayā

kyā nasīm-e-sub.h-dam thī teġh-e-nāz

zaḳhm-e-dil ubhrā ki ġhuncha khil gayā

ā.īna dekhā to qal.ī khul ga.ī

aaj un kā da.avā-e-bātil gayā

yād-e-lailā meñ girā ġhash khā ke qais

sāmne se jab koī mahmil gayā

bismiloñ se muñh jo moḌā teġh ne

dil-dahī ko nāvak-e-qātil gayā

vaqt-e-kushtan kis diye kyuuñ dast-o-pā

raqs-e-bismil kā maza qātil gayā

gāliyāñ khā.īñ uThā.īñ jhiḌkiyāñ

arz-e-matlab kā natīja mil gayā

bole vo gardan jhukā kar ba.ad vasl

dushmanoñ kā ab to dard-e-dil gayā

sūrat-e-bismil haiñ 'kausar' muztarib

hijr meñ sabr-o-qarār-e-dil gayā

le ke dil aaya tha jo be-dil gaya

un se milne ka natija mil gaya

roab-e-qatil se zara taDpe na hum

zer-e-KHanjar iztirab-e-dil gaya

panw phaila kar lahad mein soe hum

ho gai sehat jo dard-e-dil mil gaya

saKHt-jaani se gala kaTta nahin

e'tibar-e-KHanjar-e-qatil gaya

wasl mein sine se lipTa kar kaha

hai kasak baqi ki dard-e-dil gaya

sina-e-bismil pe un ka hath hai

ab wo lutf-e-iztirab-e-dil gaya

kya nasim-e-subh-dam thi tegh-e-naz

zaKHm-e-dil ubhra ki ghuncha khil gaya

aaina dekha to qali khul gai

aaj un ka dawa-e-baatil gaya

yaad-e-laila mein gira ghash kha ke qais

samne se jab koi mahmil gaya

bismilon se munh jo moDa tegh ne

dil-dahi ko nawak-e-qatil gaya

waqt-e-kushtan kis diye kyun dast-o-pa

raqs-e-bismil ka maza qatil gaya

galiyan khain uThain jhiDkiyan

arz-e-matlab ka natija mil gaya

bole wo gardan jhuka kar baad wasl

dushmanon ka ab to dard-e-dil gaya

surat-e-bismil hain 'kausar' muztarib

hijr mein sabr-o-qarar-e-dil gaya