miyan se nikla jo tegha as sitam-ijad ka

miyāñ se niklā jo teġha as sitam-ījād kā

haath bhar kā ho gayā dil āshiq-e-nāshād kā

ḳhanda-e-dandāñ-numā se bijliyāñ chamkā.iye

phūñknā madd-e-nazar hai gar dil-e-nāshād kā

al-madad shauq-e-shahādat dekhiye hotā hai kyā

dil za.īf-o-nā-tavāñ aur sāmnā jallād kā

jab na gardan kaT sakī jhunjhlā ke chal diiyā

teġh kā muñh muḌte hī ruḳh phir gayā jallād kā

qaidyān-e-dām-e-gesū karte haiñ shab-bhar duā

silsila baḌh jaa.e yā-rab qaid kī sayyād kā

surmagīñ āñkhoñ par as ke ḳhaal kā nuqta nahīñ

ain par ustād nai kheñchā hai halqa saad kā

ahl-e-ālam kahte haiñ jas kau shahanshāh-e-suḳhan

maiñ bhī huuñ shāgird 'kausar' as jagat ustād kā

miyan se nikla jo tegha as sitam-ijad ka

hath bhar ka ho gaya dil aashiq-e-nashad ka

KHanda-e-dandan-numa se bijliyan chamkaiye

phunkna madd-e-nazar hai gar dil-e-nashad ka

al-madad shauq-e-shahadat dekhiye hota hai kya

dil zaif-o-na-tawan aur samna jallad ka

jab na gardan kaT saki jhunjhla ke chal diya

tegh ka munh muDte hi ruKH phir gaya jallad ka

qaidyan-e-dam-e-gesu karte hain shab-bhar dua

silsila baDh jae ya-rab qaid ki sayyaad ka

surmagin aankhon par as ke KHal ka nuqta nahin

ain par ustad nai khencha hai halqa sad ka

ahl-e-alam kahte hain jas kau shahanshah-e-suKHan

main bhi hun shagird 'kausar' as jagat ustad ka