hota yaqin jo tujhko bahut bad-guman nahin

hotā yaqīñ jo tujh ko bahut bad-gumāñ nahīñ

kyūñkar dikhā.ūñ dard kahāñ hai kahāñ nahīñ

sargarm-e-qatl kab but-e-nā-mehrabāñ nahīñ

pyāsā mire lahū kā faqat āsmāñ nahīñ

ifshā-e-rāz-e-ishq se lab par fuġhāñ nahīñ

goyā mire dahan meñ zabāñ hai bayāñ nahīñ

jhagḌe fuzūl haiñ ye savāl-e-visāl par

qissa miTāo muñh se kaho saaf haañ nahīñ

kis ko sunā.ūñ kis se kahūñ mājrā-e-ġham

gūñge kā ḳhvāb hai ye mirī dāstāñ nahīñ

kaun-o-makāñ meñ sūrat-e-jānāñ hai jalva-gar

zāhid tujhe batā.ūñ kahāñ hai kahāñ nahīñ

dil meñ jigar meñ āñkhoñ meñ rahiye ḳhushī se aap

phir ye na kahiyegā koī miltā makāñ nahīñ

hāl-e-shab-e-firāq merī jaañ na pochhiye

ye sarguzasht qābil-e-sharh-o-bayāñ nahīñ

ḳhaak aa.e hijr meñ dil-e-be-tāb ko qarār

taḌpūñ na kis tarah ki vo ārām-e-jāñ nahīñ

josh-e-junūñ meñ dāġh-e-jigar mere bhare

gulchīñ hamāre baaġh ko ḳhauf-e-ḳhizāñ nahīñ

kyuuñ maiñ firāq-e-yār meñ āh-o-fuġhāñ karūñ

'kausar' dil-e-hazīñ jaras-e-kārvāñ nahīñ

hota yaqin jo tujh ko bahut bad-guman nahin

kyunkar dikhaun dard kahan hai kahan nahin

sargarm-e-qatl kab but-e-na-mehraban nahin

pyasa mere lahu ka faqat aasman nahin

ifsha-e-raaz-e-ishq se lab par fughan nahin

goya mere dahan mein zaban hai bayan nahin

jhagDe fuzul hain ye sawal-e-visal par

qissa miTao munh se kaho saf han nahin

kis ko sunaun kis se kahun majra-e-gham

gunge ka KHwab hai ye meri dastan nahin

kaun-o-makan mein surat-e-jaanan hai jalwa-gar

zahid tujhe bataun kahan hai kahan nahin

dil mein jigar mein aankhon mein rahiye KHushi se aap

phir ye na kahiyega koi milta makan nahin

haal-e-shab-e-firaq meri jaan na pochhiye

ye sarguzasht qabil-e-sharh-o-bayan nahin

KHak aae hijr mein dil-e-be-tab ko qarar

taDpun na kis tarah ki wo aaram-e-jaan nahin

josh-e-junun mein dagh-e-jigar mere bhare

gulchin hamare bagh ko KHauf-e-KHizan nahin

kyun main firaq-e-yar mein aah-o-fughan karun

'kausar' dil-e-hazin jaras-e-karwan nahin