hai munawwar ruKH-e-pur-nur se sab ghar-bahar

hai munavvar ruḳh-e-pur-nūr se sab ghar-bāhar

ek sā jalva-e-ḳhurshīd hai andar-bāhar

bazm-e-ḳhalvat meñ agar chhup ke hayā aane lagī

baḌh ke āvāz dī shoḳhī ne ki bāhar bāhar

sozish-e-dil ko bujhātī nahīñ chashm-e-giryāñ

ghar phuñkā jaatā hai bahtā hai samundar bāhar

haiñ sar-e-rāh bichhā.e hue āñkheñ mushtāq

bole vo zulm hai nikle koī kyūñkar bāhar

jīte-jī naqsh-e-qadam ban ke jo baiThe na uThe

kūcha-e-yār se ham nikle haiñ mar kar bāhar

jazba-e-shauq-e-shahādat jo dikhā.ī bismil

teġh-e-kāThī se nikal aa.ī taḌap kar bāhar

bazm-e-ḳhalvat meñ vo sote haiñ dupaTTa taane

jalva-e-husn-e-ḳhudā-dād hai andar-bāhar

parda-e-abr se niklā hai mah-e-nau 'kausar'

yā huā hai miyāñ se us turk kā ḳhanjar bāhar

hai munawwar ruKH-e-pur-nur se sab ghar-bahar

ek sa jalwa-e-KHurshid hai andar-bahar

bazm-e-KHalwat mein agar chhup ke haya aane lagi

baDh ke aawaz di shoKHi ne ki bahar bahar

sozish-e-dil ko bujhati nahin chashm-e-giryan

ghar phunka jata hai bahta hai samundar bahar

hain sar-e-rah bichhae hue aankhen mushtaq

bole wo zulm hai nikle koi kyunkar bahar

jite-ji naqsh-e-qadam ban ke jo baiThe na uThe

kucha-e-yar se hum nikle hain mar kar bahar

jazba-e-shauq-e-shahadat jo dikhai bismil

tegh-e-kaThi se nikal aai taDap kar bahar

bazm-e-KHalwat mein wo sote hain dupaTTa tane

jalwa-e-husn-e-KHuda-dad hai andar-bahar

parda-e-abr se nikla hai mah-e-nau 'kausar'

ya hua hai miyan se us turk ka KHanjar bahar