koi kuchh kahe koi kuchh kahe mera dil to un par ab aa chuka

koī kuchh kahe koī kuchh kahe mirā dil to un par ab aa chukā

mire paas to vahī ek thā so vo jā chukā so vo jā chukā

kaho kaise mānūñ maiñ ab kahā mirā dil pe qaabū nahīñ rahā

mirā dil shafīq-o-rafīq thā so vo haath mujh se uThā chukā

vo jo rishta mujh se thā dil ko haañ so qasam ḳhudā kī abhī abhī

yahīñ mujh se toḌ ke zāhidā kisī be-vafā se milā chukā

na rahī mujhe koī aarzū na kisī kī fikr na justujū

jo un āñkhoñ ne nahīñ dekhā thā so vo 'ishq mujh ko dikhā chukā

tirī baat kaise hai zāhidā tirī 'aql kaisī hai tū kahāñ

ye sunā nahīñ ki 'ḳhalīl' ko koī aur kuchh hai sunā chakā

koi kuchh kahe koi kuchh kahe mera dil to un par ab aa chuka

mere pas to wahi ek tha so wo ja chuka so wo ja chuka

kaho kaise manun main ab kaha mera dil pe qabu nahin raha

mera dil shafiq-o-rafiq tha so wo hath mujh se uTha chuka

wo jo rishta mujh se tha dil ko han so qasam KHuda ki abhi abhi

yahin mujh se toD ke zahida kisi be-wafa se mila chuka

na rahi mujhe koi aarzu na kisi ki fikr na justuju

jo un aankhon ne nahin dekha tha so wo 'ishq mujh ko dikha chuka

teri baat kaise hai zahida teri 'aql kaisi hai tu kahan

ye suna nahin ki 'KHalil' ko koi aur kuchh hai suna chaka