hui dil mein mere jaanan teri kis qadar rasai

huī dil meñ mere jānāñ tirī kis qadar rasā.ī

mirī shakl se hai zāhir ba-ḳhudā tirī ḳhudā.ī

mire dilrubā kī sūrat jo kahīñ to dekhe zāhid

vahīñ bhuul jaa.e haqqā tujhe saarī pārsā.ī

ba-ḳhudā tum hī tum hī ho jo nazar meñ aa rahā hai

kahīñ shān-e-kibriyā.ī kahīñ sūrat-e-gadā.ī

kahīñ shakl 'āshiqāna ba-kHayāl-e-māh-rūī

kahīñ shān-e-ḳhud-numā.ī kahīñ nāz-o-dilrubā.ī

mujhe 'ishq ne dikhāyā vo maqām jis jagah par

na falak kā hai guzar vaañ na malak kī hai rasā.ī

jo karūñ tavāf apnā to bajā hai aur zebā

tirī shakl pyārī pyārī mire dil meñ hai samā.ī

zarā ab 'ḳhalīl' dekho ba-jamāl-e-shāh-e-ḳhādim

hamā tarz-e-be-niyāzī hamā shān-e-mustafā.ī

hui dil mein mere jaanan teri kis qadar rasai

meri shakl se hai zahir ba-KHuda teri KHudai

mere dilruba ki surat jo kahin to dekhe zahid

wahin bhul jae haqqa tujhe sari parsai

ba-KHuda tum hi tum hi ho jo nazar mein aa raha hai

kahin shan-e-kibriyai kahin surat-e-gadai

kahin shakl 'ashiqana ba-kHayal-e-mah-rui

kahin shan-e-KHud-numai kahin naz-o-dilrubai

mujhe 'ishq ne dikhaya wo maqam jis jagah par

na falak ka hai guzar wan na malak ki hai rasai

jo karun tawaf apna to baja hai aur zeba

teri shakl pyari pyari mere dil mein hai samai

zara ab 'KHalil' dekho ba-jamal-e-shah-e-KHadim

hama tarz-e-be-niyazi hama shan-e-mustafai