asir-e-gesu kisi ke hain hum chhuTenge kyun-kar chhuTenge kyun-kar

asīr-e-gesū kisī ke haiñ ham chhūTeñge kyūñ-kar chhūTeñge kyūñ-kar

qatīl-e-abrū kisī ke haiñ ham bacheñge kyūñ-kar bacheñge kyūñ-kar

jo sun rahe haiñ hazār dil se fasāna-e-'ishq-o-dard-o-ulfat

vo qissa-e-hūr-o-kHuld vā'iz suneñge kyūñ-kar suneñge kyūñ-kar

mirā na jaane koī hameñ haañ qasam ḳhudā kī qasam ḳhudā kī

shahīd-e-ulfat kisī ke haiñ ham mareñge kyūñ-kar mareñge kyūñ-kar

kisī kī furqat meñ ḳhūn-e-dil ko jo pī rahe haiñ ba-sad tamannā

batā de vā'iz vo āb-e-kausar piyeñge kyūñ-kar piyeñge kyūñ-kar

jo āstāna pe shāh-e-ḳhādim ke sar jhukā.eñ 'ḳhalīl' apnā

vo sar ko apne kisī ke dar par dhareñge kyūñ-kar dhareñge kyūñ-kar

asir-e-gesu kisi ke hain hum chhuTenge kyun-kar chhuTenge kyun-kar

qatil-e-abru kisi ke hain hum bachenge kyun-kar bachenge kyun-kar

jo sun rahe hain hazar dil se fasana-e-'ishq-o-dard-o-ulfat

wo qissa-e-hur-o-kHuld wa'iz sunenge kyun-kar sunenge kyun-kar

mera na jaane koi hamein han qasam KHuda ki qasam KHuda ki

shahid-e-ulfat kisi ke hain hum marenge kyun-kar marenge kyun-kar

kisi ki furqat mein KHun-e-dil ko jo pi rahe hain ba-sad tamanna

bata de wa'iz wo aab-e-kausar piyenge kyun-kar piyenge kyun-kar

jo aastana pe shah-e-KHadim ke sar jhukaen 'KHalil' apna

wo sar ko apne kisi ke dar par dharenge kyun-kar dharenge kyun-kar