اسیر گیسو کسی کے ہیں ہم چھوٹیں گے کیوں کر چھوٹیں گے کیوں کر

اسیر گیسو کسی کے ہیں ہم چھوٹیں گے کیوں کر چھوٹیں گے کیوں کر

قتیل ابرو کسی کے ہیں ہم بچیں گے کیوں کر بچیں گے کیوں کر

جو سن رہے ہیں ہزار دل سے فسانۂ عشق و درد و الفت

وہ قصۂ حور و خلد واعظ سنیں گے کیوں کر سنیں گے کیوں کر

مرا نہ جانے کوئی ہمیں ہاں قسم خدا کی قسم خدا کی

شہید الفت کسی کے ہیں ہم مریں گے کیوں کر مریں گے کیوں کر

کسی کی فرقت میں خون دل کو جو پی رہے ہیں بصد تمنا

بتا دے واعظ وہ آب کوثر پئیں گے کیوں کر پئیں گے کیوں کر

جو آستانہ پہ شاہ خادم کے سر جھکائیں خلیلؔ اپنا

وہ سر کو اپنے کسی کے در پر دھریں گے کیوں کر دھریں گے کیوں کر