be-KHabar dil mein tere kuchh hai asar

be-ḳhabar dil meñ tire kuchh hai asar

is taḌapne kī hamāre hai ḳhabar

terī sūrat har taraf hai jalva-gar

jab se ye samjhā to hai aayā nazar

maz.har-e-ādam meñ terā hai zuhūr

tū hī dil hai aur tū jān-o-jigar

kaun pūchhe tujh se ai kāfir adā

kyuuñ phirātā hai mujhe tu dar-ba-dar

terī ulfat ke sanam haiñ do gavāh

dard-e-dil maujūd hai aur chashm-e-tar

shāh-e-ḳhādim ne tamāshe ko 'ḳhalīl'

mujh ko ā.īna banāyā dekh kar

be-KHabar dil mein tere kuchh hai asar

is taDapne ki hamare hai KHabar

teri surat har taraf hai jalwa-gar

jab se ye samjha to hai aaya nazar

mazhar-e-adam mein tera hai zuhur

tu hi dil hai aur tu jaan-o-jigar

kaun puchhe tujh se ai kafir ada

kyun phiraata hai mujhe tu dar-ba-dar

teri ulfat ke sanam hain do gawah

dard-e-dil maujud hai aur chashm-e-tar

shah-e-KHadim ne tamashe ko 'KHalil'

mujh ko aaina banaya dekh kar