hamin hindu hain hamin but hain musalman hain hamin

hamīñ hindū haiñ hamīñ but haiñ musalmāñ haiñ hamīñ

hamīñ kāfir haiñ hamīñ kufr haiñ īmāñ haiñ hamīñ

apnī hī sair kiyā karte haiñ har dam har aan

bāġh-o-bustāñ haiñ hamīñ koh-o-bayābāñ haiñ hamīñ

apnī hī shakl meñ paayā hai jise paayā hai

shakl-e-insāñ haiñ hamīñ sūrat-e-rahmān haiñ hamīñ

dilrubā.ī kā bhī hai taur hameñ se paidā

chashm-e-fattāñ haiñ hamīñ kākul-e-pechāñ haiñ hamīñ

ye jo sab shakleñ haiñ paidā so hamārī haiñ 'ḳhalīl'

tūr-e-sīnā haiñ hamīñ mūsā-e-'imrāñ haiñ hamīñ

hamin hindu hain hamin but hain musalman hain hamin

hamin kafir hain hamin kufr hain iman hain hamin

apni hi sair kiya karte hain har dam har aan

bagh-o-bustan hain hamin koh-o-bayaban hain hamin

apni hi shakl mein paya hai jise paya hai

shakl-e-insan hain hamin surat-e-rahman hain hamin

dilrubai ka bhi hai taur hamein se paida

chashm-e-fattan hain hamin kakul-e-pechan hain hamin

ye jo sab shaklen hain paida so hamari hain 'KHalil'

tur-e-sina hain hamin musa-e-'imran hain hamin