ہمیں ہندو ہیں ہمیں بت ہیں مسلماں ہیں ہمیں

ہمیں ہندو ہیں ہمیں بت ہیں مسلماں ہیں ہمیں

ہمیں کافر ہیں ہمیں کفر ہیں ایماں ہیں ہمیں

اپنی ہی سیر کیا کرتے ہیں ہر دم ہر آن

باغ و بستاں ہیں ہمیں کوہ و بیاباں ہیں ہمیں

اپنی ہی شکل میں پایا ہے جسے پایا ہے

شکل انسان ہیں ہمیں صورت رحماں ہیں ہمیں

دل ربائی کا بھی ہے طور ہمیں سے پیدا

چشم فتاں ہیں ہمیں کاکل پیچاں ہیں ہمیں

یہ جو سب شکلیں ہیں پیدا سو ہماری ہیں خلیلؔ

طور سینا ہیں ہمیں موسیٰ عمراں ہیں ہمیں