KHud hi main saqi tha KHud mai-kash tha KHud hi jam tha

ḳhud hī maiñ saaqī thā ḳhud mai-kash thā ḳhud hī jaam thā

haaye vo din jab mire jalve the terā baam thā

merī kam-zarfī ki tere sāmne royā kiyā

rañj meñ bhī muskurāyā to ye terā kaam thā

dil kī barbādī meñ kuchh lazzat hī thī varna mujhe

aap se kyā kaam hogā aap se kyā kaam thā

terī ḳhāmoshī ne ḳhuddārī sikhā.ī hai mujhe

varna dard-e-'ishq sar se paañv tak paiġhām thā

aaj vo andāz bhī terā qayāmat hai mujhe

kal jo thā dil kī masarrat ruuh kā ārām thā

kis tarah is ghar ko ḳhālī dekhiye jis ghar meñ kal

aap the aur aap kā 'maikash' thā daur-e-jām thā

KHud hi main saqi tha KHud mai-kash tha KHud hi jam tha

haye wo din jab mere jalwe the tera baam tha

meri kam-zarfi ki tere samne roya kiya

ranj mein bhi muskuraya to ye tera kaam tha

dil ki barbaadi mein kuchh lazzat hi thi warna mujhe

aap se kya kaam hoga aap se kya kaam tha

teri KHamoshi ne KHuddari sikhai hai mujhe

warna dard-e-'ishq sar se panw tak paigham tha

aaj wo andaz bhi tera qayamat hai mujhe

kal jo tha dil ki masarrat ruh ka aaram tha

kis tarah is ghar ko KHali dekhiye jis ghar mein kal

aap the aur aap ka 'maikash' tha daur-e-jam tha