KHud ko miTana gum ho jaana namwari se mushkil hai

ḳhud ko miTānā gum ho jaanā nāmvarī se mushkil hai

darveshī āsān nahīñ hai tāj-varī se mushkil hai

jān-o-dil-o-dīn-o-darham kyā nām-e-ḳhudā kyā nām-e-rasūl

kisī pe sab kuchh qurbāñ karnā dariyā-dilī se mushkil hai

kufr-e-zāhir kufr-e-bātin kufr-e-qalb-o-kufr-e-haq

dīn-o-īmāñ zohd-o-’ibādat nīm-shabī se mushkil hai

but kī parastish kartā huuñ maiñ but kī parastish ai zāhid

but kī parastish zikr-e-ḳhudā kī dard-sarī se mushkil hai

vo bhī chup haiñ ham bhī chup haiñ dil kā taḳhātub dil se hai

dil kī bātoñ ko pā lenā jādūgarī se mushkil hai

jism kā resha resha machle dard-e-mohabbat faash kare

'ishq meñ 'kāvish' ḳhāmoshī to suḳhanvarī se mushkil hai

KHud ko miTana gum ho jaana namwari se mushkil hai

darweshi aasan nahin hai taj-wari se mushkil hai

jaan-o-dil-o-din-o-darham kya nam-e-KHuda kya nam-e-rasul

kisi pe sab kuchh qurban karna dariya-dili se mushkil hai

kufr-e-zahir kufr-e-baatin kufr-e-qalb-o-kufr-e-haq

din-o-iman zohd-o-’ibaadat nim-shabi se mushkil hai

but ki parastish karta hun main but ki parastish ai zahid

but ki parastish zikr-e-KHuda ki dard-sari se mushkil hai

wo bhi chup hain hum bhi chup hain dil ka taKHatub dil se hai

dil ki baaton ko pa lena jadugari se mushkil hai

jism ka resha resha machle dard-e-mohabbat fash kare

'ishq mein 'kawish' KHamoshi to suKHanwari se mushkil hai