KHuda ki rah mein qurban ki hai zindagi maine

ḳhudā kī raah meñ qurbān kī hai zindagī maiñ ne

ye vo ġham hai ke is ġham par luTā.ī har ḳhushī maiñ ne

havāoñ meñ jalāyā hai charāġh-e-zindagī maiñ ne

charāġh-e-zindagī ko dil se dī hai raushnī maiñ ne

abhī khīñchne na paa.ī thī ke sahbā taak lī maiñ ne

koī piine na paayā thā ki pī aur ḳhuub pī maiñ ne

vahī tashbīh dī tū ne vahī tashbīh dī maiñ ne

rahegā zaat meñ kyā jab sifat hī chhīn lī maiñ ne

samajhtā huuñ tujhe dekhā tujhe puujā ḳhabar kyā thī

tire ā.īne meñ apnī hī sūrat dekh lī maiñ ne

mere maslak meñ ḳhud ko bhūlnā haq ko bhulānā hai

ḳhudā daanī ko paayā mānī-e-kHud-āgahī maiñ ne

mire pesh-e-nazar ā.īna-ḳhāne kī haqīqat hai

hazāroñ aur lākhoñ meñ bhī dekhā ek hī maiñ ne

ye aks-o-ā.īna zī-sūrat-o-sūrat kī vahdat bhī

samajhne aur samjhāne kī bāteñ jo haiñ kī maiñ ne

harīm-e-kibriyā meñ bāryābī un ko kyā hogī

harīm-e-dil meñ dekhī hai diloñ kī nārasī maiñ ne

KHuda ki rah mein qurban ki hai zindagi main ne

ye wo gham hai ke is gham par luTai har KHushi main ne

hawaon mein jalaya hai charagh-e-zindagi main ne

charagh-e-zindagi ko dil se di hai raushni main ne

abhi khinchne na pai thi ke sahba tak li main ne

koi pine na paya tha ki pi aur KHub pi main ne

wahi tashbih di tu ne wahi tashbih di main ne

rahega zat mein kya jab sifat hi chhin li main ne

samajhta hun tujhe dekha tujhe puja KHabar kya thi

tere aaine mein apni hi surat dekh li main ne

mere maslak mein KHud ko bhulna haq ko bhulana hai

KHuda dani ko paya mani-e-kHud-agahi main ne

mere pesh-e-nazar aaina-KHane ki haqiqat hai

hazaron aur lakhon mein bhi dekha ek hi main ne

ye aks-o-aina zi-surat-o-surat ki wahdat bhi

samajhne aur samjhane ki baaten jo hain ki main ne

harim-e-kibriya mein baryabi un ko kya hogi

harim-e-dil mein dekhi hai dilon ki narasi main ne