karam ke bharose jo mai-KHwariyan hain

karam ke bharose jo mai-ḳhvāriyāñ haiñ

vo mai-ḳhvāriyāñ kyā niko-kāriyāñ haiñ

na lo nām-e-ulfat jo ḳhuddāriyāñ haiñ

bahut zillateñ haiñ baḌī ḳhvāriyāñ haiñ

jo āsān samjho to hai 'ishq āsāñ

jo dushvār kar lo to dushvāriyāñ haiñ

kisī ko kisī se kisī ko kisī se

hameñ apnī hastī se bezāriyāñ haiñ

hamīñ jab na phailā.eñ dāman mile kyā

udhar se to har dam guhar-bāriyāñ haiñ

na ghabrā koī dil meñ ghar kar rahā hai

mubārak kisī kī dil-āzāriyāñ haiñ

nikammā huā maiñ to 'majzūb' kyā ġham

baḌī kār-āmad ye be-kāriyāñ haiñ

karam ke bharose jo mai-KHwariyan hain

wo mai-KHwariyan kya niko-kariyan hain

na lo nam-e-ulfat jo KHuddariyan hain

bahut zillaten hain baDi KHwariyan hain

jo aasan samjho to hai 'ishq aasan

jo dushwar kar lo to dushwariyan hain

kisi ko kisi se kisi ko kisi se

hamein apni hasti se bezariyan hain

hamin jab na phailaen daman mile kya

udhar se to har dam guhar-bariyan hain

na ghabra koi dil mein ghar kar raha hai

mubarak kisi ki dil-azariyan hain

nikamma hua main to 'majzub' kya gham

baDi kar-amad ye be-kariyan hain