ye kya hai tere hote afsurda hai mai-KHana

ye kyā hai tire hote afsurda hai mai-ḳhāna

haañ ai dil-e-dīvāna ik nā’ara-e-mastāna

kahtā huā phirtā hai mahshar meñ ye dīvāna

yārab mirā vīrāna yārab mirā vīrāna

hai āmad-o-raft apnī us bazm meñ rozāna

ik dar dar-e-tauba hai ik dar dar-e-mai-ḳhāna

itnī to pilā saaqī ab is se bhī kyā kam ho

labrez to ho jaa.e ye 'umr kā paimāna

saaqī ne badal Daalī duniyā mirī hastī kī

āñkheñ haiñ ki maiḳhāne dil hai ki parī-ḳhāna

de taav na ab itnā kar aañch zarā halkī

tezī pe hai mai saaqī aḌ jaa.e na mai-ḳhāna

'majzūb' ko jab dekhā mahfil kī taraf aate

ghabrā ke pukār uThe dīvāna hai dīvāna

ye kya hai tere hote afsurda hai mai-KHana

han ai dil-e-diwana ek na’ara-e-mastana

kahta hua phirta hai mahshar mein ye diwana

yarab mera virana yarab mera virana

hai aamad-o-raft apni us bazm mein rozana

ek dar dar-e-tauba hai ek dar dar-e-mai-KHana

itni to pila saqi ab is se bhi kya kam ho

labrez to ho jae ye 'umr ka paimana

saqi ne badal Dali duniya meri hasti ki

aankhen hain ki maiKHane dil hai ki pari-KHana

de taw na ab itna kar aanch zara halki

tezi pe hai mai saqi aD jae na mai-KHana

'majzub' ko jab dekha mahfil ki taraf aate

ghabra ke pukar uThe diwana hai diwana