haqiqat mein to mai-KHana jabhi mai-KHana hota hai
haqiqat mein to mai-KHana jabhi mai-KHana hota hai
Khwaja Azizul Hasan Majzoob
MORE BYKhwaja Azizul Hasan Majzoob
haqīqat meñ to mai-ḳhāna jabhī mai-ḳhāna hotā hai
tire dast-e-karam meñ jab kabhī paimāna hotā hai
nayā tauba-shikan jab dāḳhil-e-mai-kHāna hotā hai
na pūchho phir jo rañg-e-mahfil-e-rindāna hotā hai
ba-zāhir dekhne meñ hotī hai saj-dhaj faqīrāna
dimāġh un ke gadāoñ kā magar shāhāna hotā hai
idhar laḌtī haiñ nazreñ dil udhar aapas meñ milte haiñ
hasīnoñ se 'ajab andāz par yārāna hotā hai
bahār aa.ī baḌhā saudā ḳhizāñ aa.ī baḌhī vahshat
jo hotā hai ba-pās-e-ḳhātir-e-dīvāna hotā hai
qiyāmat hai tire 'majzūb' kā majnūn ho jaanā
vo jab dīvāna hotā hai ġhazab dīvāna hotā hai
haqiqat mein to mai-KHana jabhi mai-KHana hota hai
tere dast-e-karam mein jab kabhi paimana hota hai
naya tauba-shikan jab daKHil-e-mai-kHana hota hai
na puchho phir jo rang-e-mahfil-e-rindana hota hai
ba-zahir dekhne mein hoti hai saj-dhaj faqirana
dimagh un ke gadaon ka magar shahana hota hai
idhar laDti hain nazren dil udhar aapas mein milte hain
hasinon se 'ajab andaz par yarana hota hai
bahaar aai baDha sauda KHizan aai baDhi wahshat
jo hota hai ba-pas-e-KHatir-e-diwana hota hai
qiyamat hai tere 'majzub' ka majnun ho jaana
wo jab diwana hota hai ghazab diwana hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
