jab kisi se lau laga li jaegi

jab kisī se lau lagā lī jā.egī

tab ye āshufta ḳhayālī jā.egī

laakh ho bahr-e-mohabbat pur-ḳhatar

kashtī-e-dil us meñ Daalī jā.egī

jis ko tākūñgā nasheman ke liye

vo hī Daalī kaaT Daalī jā.egī

dāġh-e-dil chamkegā ban kar āftāb

laakh us par ḳhaak Daalī jā.egī

ham ġharīboñ ko diye jā.eñge daaġh

ġhair ko phūloñ kī Daalī jā.egī

sab tirā parda dharā rah jā.egā

jab zarā gardan jhukā lī jā.egī

shaiḳh piine kā irāda to kareñ

hauz-e-kausar se mañgā lī jā.egī

mastiyāñ 'majzūb' ab zebā nahīñ

vaq'at-e-pīrāna-sālī jā.egī

jab kisi se lau laga li jaegi

tab ye aashufta KHayali jaegi

lakh ho bahr-e-mohabbat pur-KHatar

kashti-e-dil us mein Dali jaegi

jis ko takunga nasheman ke liye

wo hi Dali kaT Dali jaegi

dagh-e-dil chamkega ban kar aaftab

lakh us par KHak Dali jaegi

hum gharibon ko diye jaenge dagh

ghair ko phulon ki Dali jaegi

sab tera parda dhara rah jaega

jab zara gardan jhuka li jaegi

shaiKH pine ka irada to karen

hauz-e-kausar se manga li jaegi

mastiyan 'majzub' ab zeba nahin

waq'at-e-pirana-sali jaegi