kya karun ya-rab kidhar ja۔un kashakash dil mein hai

kyā karūñ yā-rab kidhar jā۔ūñ kashākash dil meñ hai

ik kashish girdāb meñ hai ik kashish sāhil meñ hai

ek se hai ek baḌh kar go tamannā dil-fareb

kyā tamannā ab ho jān-e-har-tamannā dil meñ hai

hosh kis ko hai yahāñ baiThe haiñ sab kho.e hue

koī kyā jaane kahāñ hai jo tirī mahfil meñ hai

qat’ rāh-e-'ishq ai rahrav kabhī mumkin nahīñ

ek safar hai tā-ba-manzil ik safar manzil meñ hai

yuuñ to hai aksar diloñ meñ āmad-o-raft aap kī

dekhnā lekin jo hai vo ye ki ghar kis dil meñ hai

saarī murda ārzūeñ phir se zinda ho ga.iiñ

jab se tum aa.e ho ik hashr-e-tamannā dil meñ hai

ghar pe rakh kar aa.e jitnī 'aql jis 'āqil meñ hai

soch kar rakhe qadam 'majzūb' is mahfil meñ hai

kya karun ya-rab kidhar ja۔un kashakash dil mein hai

ek kashish girdab mein hai ek kashish sahil mein hai

ek se hai ek baDh kar go tamanna dil-fareb

kya tamanna ab ho jaan-e-har-tamanna dil mein hai

hosh kis ko hai yahan baiThe hain sab khoe hue

koi kya jaane kahan hai jo teri mahfil mein hai

qat’ rah-e-'ishq ai rahraw kabhi mumkin nahin

ek safar hai ta-ba-manzil ek safar manzil mein hai

yun to hai aksar dilon mein aamad-o-raft aap ki

dekhna lekin jo hai wo ye ki ghar kis dil mein hai

sari murda aarzuen phir se zinda ho gain

jab se tum aae ho ek hashr-e-tamanna dil mein hai

ghar pe rakh kar aae jitni 'aql jis 'aqil mein hai

soch kar rakhe qadam 'majzub' is mahfil mein hai