کیا کروں یا رب کدھر جاؤں کشاکش دل میں ہے

کیا کروں یا رب کدھر جاؤں کشاکش دل میں ہے

اک کشش گرداب میں ہے اک کشش ساحل میں ہے

ایک سے ہے ایک بڑھ کر گو تمنا دل فریب

کیا تمنا اب ہو جان ہر تمنا دل میں ہے

ہوش کس کو ہے یہاں بیٹھے ہیں سب کھوئے ہوئے

کوئی کیا جانے کہاں ہے جو تری محفل میں ہے

قطع راہ عشق اے رہرو کبھی ممکن نہیں

ایک سفر ہے تا بہ منزل اک سفر منزل میں ہے

یوں تو ہے اکثر دلوں میں آمد و رفت آپ کی

دیکھنا لیکن جو ہے وہ یہ کہ گھر کس دل میں ہے

ساری مردہ آرزوئیں پھر سے زندہ ہو گئیں

جب سے تم آئے ہو اک حشر تمنا دل میں ہے

گھر پہ رکھ کر آئے جتنی عقل جس عاقل میں ہے

سوچ کر رکھے قدم مجذوبؔ اس محفل میں ہے