abas kahta hai chaara-gar yahan tak tha yahan tak hai

'abas kahtā hai chāra-gar yahāñ tak thā yahāñ tak hai

vo kyā jaane ki zaḳhm-e-dil kahāñ tak thā kahāñ tak hai

na dhoka de mujhe hamdam vo aayā hai na aa.egā

payām-e-vā'da-vaslat zabāñ tak thā zabāñ tak hai

kaTī rote hī ab tak 'umr aage dekhiye kyā ho

batā.ūñ kyā ki dil meñ ġham kahāñ thā kahāñ tak hai

vahāñ tak qais kab pahuñchā vahāñ farhād kab aayā

bayābān-e-guzar apnā jahāñ tak thā jahāñ tak hai

mujhe to 'umr bhar ronā hai yaaro koī mausam ho

ye mat samjho mirā naala ḳhizāñ tak thā ḳhizāñ tak hai

mire hī dil tak aanā thā mire hī dil tak aanā hai

ḳhadañg-e-nāz kā palla yahāñ tak thā yahāñ tak hai

takalluf ye tirī ḳhāmoshiyāñ tujh ko miTā deñgī

zamāne meñ tirā charachā fuġhāñ tak thā fuġhāñ tak hai

'abas kahta hai chaara-gar yahan tak tha yahan tak hai

wo kya jaane ki zaKHm-e-dil kahan tak tha kahan tak hai

na dhoka de mujhe hamdam wo aaya hai na aaega

payam-e-wa'da-waslat zaban tak tha zaban tak hai

kaTi rote hi ab tak 'umr aage dekhiye kya ho

bataun kya ki dil mein gham kahan tha kahan tak hai

wahan tak qais kab pahuncha wahan farhad kab aaya

bayaban-e-guzar apna jahan tak tha jahan tak hai

mujhe to 'umr bhar rona hai yaro koi mausam ho

ye mat samjho mera nala KHizan tak tha KHizan tak hai

mere hi dil tak aana tha mere hi dil tak aana hai

KHadang-e-naz ka palla yahan tak tha yahan tak hai

takalluf ye teri KHamoshiyan tujh ko miTa dengi

zamane mein tera characha fughan tak tha fughan tak hai