jo chup baiThun to ek koh-e-giran malum hota hun

jo chup baiThūñ to ik koh-e-girāñ ma'alūm hotā huuñ

jo lab kholūñ to dariyā-e-ravāñ ma'alūm hotā huuñ

alag sab se huuñ sab ke darmiyāñ ma'alūm hotā huuñ

kahāñ pahuñchā huā huuñ maiñ kahāñ ma'alūm hotā huuñ

maiñ yuuñ to zāhido ik qatra-e-nā-chīz huuñ be-shak

magar pī luuñ to bahr-e-be-karāñ ma'alūm hotā huuñ

maiñ huuñ ham-bazm-e-ahl-e-dil bhī aur ham-bazm-e-rindāñ bhī

vahāñ mahsūs hotā huuñ yahāñ ma'alūm hotā huuñ

dar-e-jānāñ pe jis dam Tek detā huuñ jabīñ apnī

sar-e-'arsh-e-barīñ phir be-gumāñ ma'alūm hotā huuñ

tasavvur ne kisī ke merī duniyā hī badal Daalī

kahāñ ma'alūm hotā thā kahāñ ma'alūm hotā huuñ

kisī kī yaad ne kyā rafta rafta kar diyā mujh ko

bas ab ik paikar-e-vahm-o-gumāñ ma'alūm hotā huuñ

jo chup baiThun to ek koh-e-giran ma'alum hota hun

jo lab kholun to dariya-e-rawan ma'alum hota hun

alag sab se hun sab ke darmiyan ma'alum hota hun

kahan pahuncha hua hun main kahan ma'alum hota hun

main yun to zahido ek qatra-e-na-chiz hun be-shak

magar pi lun to bahr-e-be-karan ma'alum hota hun

main hun ham-bazm-e-ahl-e-dil bhi aur ham-bazm-e-rindan bhi

wahan mahsus hota hun yahan ma'alum hota hun

dar-e-jaanan pe jis dam Tek deta hun jabin apni

sar-e-'arsh-e-barin phir be-guman ma'alum hota hun

tasawwur ne kisi ke meri duniya hi badal Dali

kahan ma'alum hota tha kahan ma'alum hota hun

kisi ki yaad ne kya rafta rafta kar diya mujh ko

bas ab ek paikar-e-wahm-o-guman ma'alum hota hun